12th Class Chapter 10 Urdu Short Questions

سبق قرطبہ کا قاضی کا خلاصہ بیان کریں.

اس کہانی کا اصل ماخذ ایک انگریزی دراما ہے جو کہ لارنس ہاؤس میں کی تصنیف ہے. سید امتیاز علی تاج نے انگریزی ادب کے اس شاہکار المیے کو سرزمین اندلیس کا واقعہ بناکر پیش کیا ہے. اندلس کے شہر غرناطہ میں قاضی یحیٰ بن منصور کا فرض مجبور کرتا ہے کہ وہ انصاف کو بے لاگ طریقے سے نافذ کرے -اسے مجرم کے لیے موت کے پروانے پر دسختط کرانا ہیں صبح قاتل زبیر کو سولی پر چڑھایا جاتا ہے اس بنا پر قاضی کے گھر میں صف ماتم بچھی ہوئی ہے. زبیر تین دن کا تھا جب اس کی ماں اسے جنم دے کر اس دنیا سے رخصت ہوگئی تھی. زبیر کی دایہ حلاوہ جس نے اسے پالا پوسا اور اپنا دودھ پلایا، شدید کرب اور دکھ سے دوچار ہے. حلاوہ سے یہ برداشت نہیں ہو پا رہا کہ جسے دودھ پلا کرزندگی بخشی صبح وہ اس کی موت دیکھ سکے- عبداللہ حلاوہ کو حوصلہ دیتا ہے کہ صبح پورے غرناطہ میں کوئی ایسا شخص نہ مہ پائے گا جو قاضی کے فتوے پر عمل ہوئے زبیر کو سولی پر چڑھائے اور اگر کوئی شخص کسی دوسرے شہر سے بھی غرناطہ میں داخل ہوگا تو اس قسم لی جائے گی کہ زیبر کی کسی کوشش زبیر کو موت سے نہیں بچاسکتی اسے قاضی کے انصاف اور استقامت کا اندازہ ہے. قاضی کچھ نہیں سنتا اور عدالت کے اہل کاروںکو بلاتا ہے اور کہتا ہے کہ سولی دینے والا موجود نہیں ہے تم میں سے کسی کو یہ فریضہ انجام دینا ہے مگر کوئی آمادہ نہیں ہوتا- اور آخر میں قاضی کو سب اہل کار مل کر یہ جواب دیتے ہیں کہ جس نے فتویٰ لکھا ہے. وہی قاضی یہ فریضہ انجام دے - کیونکہ وہ لوگ اپنے اندر اس کام کےلیے ہمت اور حوصلہ نہیں پاتے- قاضی ایسا ہی کرتا ہے اور صبح ہوتے ہی جب سولی کا وقت آتا ہے تو اپنے بیٹے کو سزائے موت دینے کے لیے خود جلاد کے فرائض انجام دیتا ہے.بعد ازاں قاضی تھکے قدموں اور بوجھل دل کے ساتھ واپس آتا ہے- اور اپنے آپ کو ہمیشہ ہمیشہ کےلیے ایک کمرے میں قید کرلیتا ہے- ایک قاضی اپنا فرض نبھاتا ہے اور ایک اپنے بیٹے کی موت پر زندگی سے کنارہ کرلیتا ہے.